أبوس ايدك قلب الشاى

موضوع: أبوس ايدك قلب الشاى 2009-10-19, 9:13 am

كتير اوى مش بنقلب
الشاى كويس ،

وبنيجى نشربه نلاقيه مش مسكر ومش مظبوط ،

وبنكسل نجيب سكر تانى ...

فبنضطر نشربه كده .. اللى بيدايقنى
بقى انى بعد ما

اخلص شرب الشاى بلاقى السكر مركون
تحت

يعنى لو كنت قلبت شوية كان زمانى
شربت شاى

مظبوط ..

تعالى كده نفصص المشكلة دى

اول حاجة المشكلة ايه :

( انى ما عرفتش اشرب شاى مظبوط )

طيب وايه السبب ؟!

(1)انى ما قلبتش الشاى كويس وانا
بعمله ..

(( يعنى استهترت وانا بعمل الحاجة
))

(2)انى كسلت اجيب سكر تانى

(( يعنى اكسلت عن حل المشكلة رغم
انها فى ايدى ))

طيب والنتيجة ايه ..؟؟!!

(( نتيجة المشكلة والاسباب اللى ادت
ليها ))

- النتيجة انى ما استمتعتش بالشاى
..

- وانى ضيعت مجهودى وما وصلتش
للنتيجة اللى عايزاها

عارفين ان كلنا بنعمل الحركة دى
بطرق مختلفة ؟؟

كتيييييييييييييييييير اوى بنستهتر
واحنا بنعمل شغلنا

وكتيييييييييييييييييير اوى بنكسل
نحل المشاكل رغم ان

حلها فى ايدينا ..ونرجع نشتكى ..

وبعد دا كله نندم وندور على حلول
صعبة ومتعبة رغم ان

الحل اصلا فى ايدينا وجوا الكوباية

علشان كده علشان
خااااااااااااااااااطرى اضغط على

نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى
النتيجة هتفرق

كتيييييييييييير

ومتنساش قول حبيبك صلى الله عليه وسلم :

(ان الله يحب اذا عمل احدكم عملا ان
يتقنه )

صدق رسول الله صلى الله عليه وسلم

حتى ولو كان العمل ده بسيط بس هتفرق كتير اوى ..

موضوع: رد: أبوس ايدك قلب الشاى 2009-10-22, 2:05 pm

والله عندك حق فعلا

كلنا كده الا من رحم ربى طبعا

ليه كلنا مابنفكرش الا بعد مايحصل الامر طب مانفكر قبل ما يحصل

بجد لو فكرنا وتعبنا شوية هاتفرق كتير اوى

انا بقول الكلام ده لنفسى قبل اى حد

بشكرك تانى على جمال واهمية الموضوع

موضوع: رد: أبوس ايدك قلب الشاى 2009-10-23, 12:47 pm

ميرسى ياطارق نورت التوبيك وفعلا رايك صح الصح